Saturday, 16 December 2017

వాట్సాప్ వాడుక ప్రాంతీయ భాషల్లో కూడా అందుబాటులో ఉంది

వాట్సాప్ మొబైల్ అప్లికేషన్ ద్వారా ఫోటోలు, చిన్న సైజ్ వీడియోలు, టెక్స్ట్ సందేశాలను పంపడం, అంతే కాకుండా దీనిలో భాగంగా మనం మనకోసం ప్రత్యేక కాంటాక్ట్స్ కలిపి గ్రూప్ రూపొందించవచ్చు. ఫేస్ బుక్ వాడే వారికి ఈ గ్రూప్ చాటింగ్ గురించి అవగాహన ఉంటుంది, అయితే ఈ గ్రూపులో ఉన్న  ఒకరు, అదే గ్రూపులో ఉన్న మరొకరితో చాటింగ్ చేస్తూ ఉంటే, ఆ చాటింగ్ వివరాలు మొత్తం గ్రూపులో మిగిలిన సభ్యులకు చేరుతాయి. ఈ గ్రూప్ చాటింగ్ అంటే కనబడకుండా కొందరు ఒకే చోట సంభాషణలు చేసుకున్నట్లు ఉంటుంది. గ్రూప్ చాటింగ్ నందు కూడా ఫోటోలు, చిన్న సైజ్ వీడియోలు, పంపవచ్చు.

అలాగే మీరు మీ వాట్సాప్ ఆప్ డెస్క్ టాప్ లేదా లాప్ టాప్ లో ఓపెన్ చేసి, వాట్సాప్ ఉపయోగించుకోవచ్చు. ఈ ఫీచర్ వాట్సాప్ కుడి వైపు పై భాగాన మూలంలో నిలువుగా కనిపించే మూడు చుక్కల పై టచ్ చేస్తే వచ్చే మెనులో (whatsApp Web) వాట్సాప్ వెబ్ అని ఉంటుంది. ఎలా కంప్యూటర్ తో అనుసంధానం చేసి వాడుకోవచ్చు తెలుసుకుందాం.

మీరు ఇంటర్నెట్ కనెక్షన్ ఉన్న కంప్యూటర్ కానీ, లాప్ టాప్ కానీ మీరు బ్రౌజర్ (ఇంటర్నెట్ ఎక్స్ప్లోరర్, క్రోమ్, మొజిల్లా ఫైర్ ఫాక్స్, ఓపెరా మొదలైనవి) ఓపెన్ చేసి, మీ బ్రౌజర్ అడ్రస్ బార్ నందు web.whatsapp.com అని టైపు చేస్తే, మీకు అక్కడ ఒక QR Code వస్తుంది, ఇప్పుడు పైన చెప్పిన విధంగా మీ వాట్సాప్ ఆప్ లో వాట్సాప్ వెబ్ అనే ఆప్షన్ టచ్ చేస్తే స్కానింగ్ మోడ్లో కెమెరా ఓపెన్ అవుతుంది, ఇప్పుడు మీ కంప్యూటర్ కనిపించే QR code ని మొబైల్ ఓపెన్ అయిన  కెమెరాకు ముందుగా తీసుకుని చూస్తే, కంఫ్యూటర్లో కనిపించే QR Code వాట్సాప్ కెమెరా విండో తో మ్యాచ్ కావడంతో, మీ వాట్సాప్ ఆప్ కంప్యూటర్ లేదా ల్యాప్ టాప్ నందు ఓపెన్ అవుతుంది. మీ వాట్సాప్ ఆప్ లో లాగిన్ అయిన ఖాతా వివరాలే ఆ కంఫ్యూటర్లో కనిపిస్తుంటాయి. వాడకం పూర్తి అయిన తరువాత మీ ఖాతా లాగౌట్ చేసుకోవచ్చును.

ఇందులో మీరు మీ ఖాతా యూజర్ నేమ్ తో పాటు మీకు నచ్చిన ఫోటో మీ ఖాతాకు జత చేసుకోవచ్చు. ఇంకా మీ వాట్సాప్ ఆప్ చాటింగ్ విండో బ్యాక్ గ్రౌండ్ ఇమేజ్ మార్చుకోవచ్చు, ఎలాగో చూద్దాం.

పైన చెప్పిన విధంగా మీ వాట్సాప్ ఆప్ కుడి వైపు పై భాగాన మూలంలో నిలువుగా కనిపించే మూడు చుక్కల పై టచ్ చేస్తే వచ్చే మెనులో సెట్టింగ్స్ పై టచ్ చేస్తే వచ్చే మెనులో మీ ఖాతా పేరు ఉండి, పేరుకు ఎడమవైపు గుండ్రంగా ఉన్న చోట టచ్ చేస్తే, అదే గుండ్రని ఆకారం పెద్దగా అవుతుంది, ఇప్పుడు ఆ పెద్ద రౌండ్లో టచ్ చేస్తే, కెమెరాతో అయితే ఫోటో తీసి అప్లోడ్ చేయవచ్చును. అయితే గ్యాలరీ ద్వారా ఇంతకు ముందే ఉన్న ఫోటో ప్రొఫైల్ ఫోటోగా మార్చుకోవచ్చు.

ఇంకా చాటింగ్ విండో ఇమేజ్ మార్చాలంటే, పైన చెప్పిన విధంగా సెట్టింగ్స్ మెనూ కనిపించే Chat అక్షరాలను టచ్ చేస్తే, ఇంకో మెనూ వస్తుంది, అక్కడ wallpaper అని కనిపించే అక్షరాలను టచ్ చేస్తే వచ్చే ఆప్షన్లు: Gallery, Solid Color, Wallpaper Library, Default, No Wallpaper వీటిలో మొదటి మూడు ఆప్షన్లు నుండి మీకు నచ్చినట్లు బ్యాక్ గ్రౌండ్ మార్చుకోవచ్చు, చివరి రెండు ఆప్షన్స్ ఎంచు కుంటే మాత్రం బ్యాక్ గ్రౌండ్ వైట్ కలరే ఉంటుంది.

వాట్సాప్ గూగుల్ ప్లే స్టోర్లో లభిస్తుంది.

No comments:

Post a Comment

Person Communication Skill Acquires Good Skills

Person Communication Skill Acquires Good Skills : Communication Skills Contribute Significantly to Professional Growth A person’s communicat...